لاہور:- پنجاب سیف سٹیز اتھارٹی نے ون فائیو(15) کالز کے اعداد و شمار برائے اگست جاری کردیئے۔تفصیلات کے مطابق 15ایمرجنسی نمبر پر اگست میں لاہور سمیت پنجاب بھر سے 27لاکھ97 ہزار316 کالز موصول ہوئیں۔موصول شدہ کالز میں سے 5 لاکھ 78 ہزار417 کالز غیر متعلقہ تھیں۔مختلف معلومات کے حصول کیلئے 47ہزار410 کالز موصول ہوئیں۔ٹوٹل 2لاکھ15 ہزار219 کالز پر پولیس کی مدد فراہم کی گئی۔اگست کے مہینے میں ٹریفک سے متعلقہ 8 ہزار154 کالز پر راہنمائی کی گئی۔پنجاب سیف سٹیز اتھارٹی کے لاہورلاسٹ اینڈ فاؤنڈ سینٹرکی مدد سے 5لاپتہ افراد کو اپنوں سے ملوایا گیا۔78موٹرسائیکلیں اور 01 گاڑی مالکان کے حوالے کی گئی۔ایس پی حسن جاوید کاکہناتھا کہ 15 پر غیر متعلقہ کالز روکنے کیلئے (IVR) انٹرایکٹو وائس رسپانس سسٹم نصب کیا گیا ہے، شہری ایمرجنسی ہیلپ لائن پر ضرورت کے وقت ہی کال کریں۔15 پر غیر ضروری کالز سے اجتناب کریں۔
