بھارت میں قیامت خیز شدید گرمی، انتخابی عملے کے 25 اہلکاروں سمیت 74 افراد ہیٹ اسٹروک سے ہلاک ہسپتالوں میں ایمرجنسی نافذ ہسپتال بھر گئے.بھارت میں گزشتہ 48 گھنٹوں کے دوران شدید گرمی اور ہیٹ اسٹروک سے 74 افراد ہلاک ہوگئے۔
بھارتی زرائع ابلاغ کے مطابق بھارت میں شدید گرمی کی لہر جاری ہے، بھارتی ریاستیں نئی دلی ، پنجاب ، ہریانہ ، چندی گڑھ، یوپی ، مدھیہ پردیش، بہار ، اڑیسہ، اور جھاڑکھنڈ ہیٹ ویو کی لپیٹ میں ہیں۔
زرائع ابلاغ کا بتانا ہے کہ 48 گھنٹوں میں ہیٹ اسٹروک سےاموات کی تعداد 74 ہوگئی ہے، ہیٹ اسٹروک سے ہلاک ہونے والوں میں انتخابی عملے کے 25 اہلکار بھی شامل ہیں۔
دوسری جانب بھارتی محکمہ موسمیات نے آج 10 ریاستوں میں ہیٹ ویو کی پیش گوئی کی ہےجبکہ مشرقی بھارت میں موجودہ گرمی کی لہر مزید 2 دن تک جاری رہنے کا امکان ظاہر کیا گیا ہے۔
مزید برآں بھارتی دارالحکومت دہلی میں اس ہفتے ملک کا اب تک کا سب سے زیادہ درجہ حرارت 52.9 ڈگری سینٹی گریڈ ریکارڈ کیا گیا تاہم آنے والے دنوں میں شمال مغربی اور وسطی بھارت میں درجہ حرارت میں کمی متوقع ہے۔
