متحدہ عرب امارات کے قومی دن کی مناسبت سے منعقدہ تقریب سے خطاب کرتے ہوئے صدر مملکت آصف علی زرداری نے کہا کہ قومی دن کے موقع پر متحدہ عرب امارات کی قیادت اور عوام کو مبارک باد پیش کرتا ہوں،اتحاد کے بعد سے متحدہ عرب امارات تجارت، سرمایہ کاری اور سیاحت کے شعبوں میں عالمی مرکز کے طور پر ابھرا اور قابل ذکر ترقی کی پاکستان اور متحدہ عرب امارات کے درمیان تاریخی رشتہ اور پائیدار تعلقات ہیں جس کی بنیاد شیخ زائد بن سلطان النہیان نے رکھی جو مذہب ، اعتماد اور باہمی احترام پر مبنی ہیں،پاکستان نے متحدہ عرب امارات کے قیام سے چھ ماہ قبل ہی سفیر بھیج کر سفارتی نمائندگی قائم کیے ۔
صدر مملکت نے مشکل وقت میں متحدہ عرب امارات کی حمایت کے لیے تہہ دل سے شکریہ ادا کیا اور کہا کہ دونوں ممالک کے مابین قابل اعتماد اسٹریٹجک اور تجارتی شراکت داری ہے 18 لاکھ پاکستانیوں کے یو اے ای میں قیام سے دوطرفہ تعلقات کو مزید تقویت ملی مزید یہ کہ امارات کے ساتھ آئی ٹی ، توانائی، زراعت ، سیاحت سمیت اہم شعبوں میں تعاون بڑھانے کے خواہاں ہیں۔
پاکستان کی اقتصادی بحالی اور سرمایہ کاری کے لیے ماحول سازگار ہے ، متحدہ عرب امارات کے کاروباری اداروں کو پاکستان اسٹاک ایکسچینج سمیت مختلف شعبوں میں سرمایہ کاری کی دعوت دیتا ہوں، یقین ہے کہ مختلف شعبوں میں متعدد معاہدوں سے دوطرفہ تعاون مزید گہرا ہوگا
