امریکی صدارت کے لیے ریپبلکن پارٹی کے نامزد امیدوار ڈونلڈ ٹرمپ نے امریکا کے حریف ایران کے خاتمے کی دھمکی دے دی۔جمعرات کے روز سوشل میڈیا پر اپنے مخصوص انداز میں پوسٹ کی ہے۔
ٹرمپ نے ٹروتھ سوشل نیٹ ورک پر لکھا “اگر انھوں نے صدر ٹرمپ کو قتل کر دیا اور جس کا امکان ہمیشہ رہتا ہے، تو میں امید کرتا ہوں کہ امریکہ ایران کو صفحہ ہستی سے مٹا دے گا۔ اگر ایسا نہ ہوا تو امریکی قیادت کو بزدل اور شجاعت سے خالی سمجھا جائے گا”۔
ٹرمپ کی اس پوسٹ میں کانگریس میں اسرائیلی وزیر بنیامین نیتن یاہو کے خطاب کا وڈیو کلپ بھی منسلک کیا گیا ہے۔ اس ویڈیو میں نیتن یاہو نے ٹرمپ کو نشانہ بنانے کے منصوبے کے بارے میں دعویٰ کیا کہ یہ ایران کا منصوبہ تھا۔
واشنگٹن اور ایران کے درمیان کشیدہ تعلقات اپنی انتہا کو پہنچ گئے کیوں کہ تہران پاسداران انقلاب کے کمانڈر قاسم سلیمانی کی 2020 میں ہلاکت کا انتقام لینے کی کوششوں میں ہے۔ سلیمانی کو ٹرمپ کے حکم پر ہلاک کیا گیا جو اس وقت امریکا کے صدر تھے۔
ٹرمپ کی تازہ پوسٹ نے لوگوں کو 2019 میں ان کی دھمکی کی یاد دلا دی ہے جب ٹرمپ نے اپنے دور صدارت میں کہا تھا کہ “اگر تہران نے کسی بھی امریکی چیز پر حملہ کیا تو وہ ایران کو مٹا ڈالیں گے۔
دوسری طرف العریبیہ نیوز کے مطابق ایرانی ذمے داران نے کا کہنا ہے کہ ٹرمپ کی جانب سے نئی پابندیاں عائد کیے جانے کے بعد دونوں ملکوں کے بیچ سفارتی راستہ ہمیشہ کے لیے بند ہو گیا ہے
