دفتر خارجہ کے مطابق، پاکستان اور سوئیڈن کے وزاراتِ خارجہ کے درمیان 2 جولائی 2025 کو اسٹاک ہوم میں ہونے والی دو طرفہ سیاسی مشاورت کے بعد، سوئیڈن کی حکومت نے اسلام آباد میں ویزا سروسز کی بحالی کا اعلان کیا ہے۔
یہ اقدام ان پاکستانی شہریوں کے لیے سہولت فراہم کرے گا جو مختصر مدت کے لیے سوئیڈن جانا چاہتے ہیں۔ 7 جولائی 2025 سے پاکستانی شہری دوبارہ پاکستان سے شینگن ویزا کے لیے درخواست دے سکیں گے، جس کے تحت وہ 90 دن تک سوئیڈن میں قیام کر سکتے ہیں۔
پاکستان نے اس مثبت پیشرفت کا خیرمقدم کیا ہے، جو دونوں ممالک کے درمیان بڑھتے ہوئے تعلقات کی عکاسی کرتی ہے۔
اس موقع پر پاکستان کے وفد کی قیادت ایڈیشنل سیکرٹری برائے یورپ نے کی، جبکہ سوئیڈن کی جانب سے وزارتِ خارجہ کے ڈائریکٹر جنرل برائے عالمی امور نے مشاورت میں شرکت کی۔
About The Author
