وفاقی وزیر داخلہ محسن نقوی کی زیر صدارت اہم اجلاس منعقد ہوا جس میں ڈی پورٹ ہو کر واپس آنے والے پاکستانی شہریوں کے خلاف سخت اقدامات کا فیصلہ کیا گیا۔
اجلاس میں فیصلہ کیا گیا کہ:
ڈی پورٹ ہونے والے افراد کے خلاف ایف آئی آر درج کی جائے گی۔
ان کے پاسپورٹ منسوخ کر دیے جائیں گے۔
پانچ سال کیلئے انہیں پاسپورٹ کنٹرول لسٹ میں شامل کیا جائے گا۔
وفاقی وزیر داخلہ محسن نقوی نے اجلاس سے خطاب کرتے ہوئے کہا کہ ڈی پورٹ ہونے والے افراد پاکستان کیلئے بین الاقوامی سطح پر شرمندگی کا باعث بن رہے ہیں، اور آئندہ ان سے کسی قسم کی رعایت نہیں برتی جائے گی۔
وزیر داخلہ کی ہدایت پر پاسپورٹ کے قوانین کو مزید سخت اور مؤثر بنانے کے لیے سیکرٹری داخلہ کی سربراہی میں ایک اعلیٰ سطحی کمیٹی قائم کر دی گئی ہے۔
اجلاس میں وزیر مملکت برائے داخلہ طلال چوہدری، سیکرٹری داخلہ، ڈی جی ایف آئی اے اور ڈی جی پاسپورٹ نے شرکت کی۔
About The Author
