صدر مملکت آصف علی زرداری نے شہید محترمہ بے نظیر بھٹو کے 17ویں یومِ شہادت پر انہیں خراجِ عقیدت پیش کرتے ہوئے کہا ہے کہ
شہید بے نظیر بھٹو امید، استقامت ، جمہوریت اور انصاف کے اصولوں سے غیر متزلزل وابستگی کا پیکر اور ہم سب کےلئے مشعل ِ راہ تھیں،
بے نظیر بھٹو نے ایسے پاکستان کا خواب دیکھا جہاں عوام کی طاقت راج کرے گی ان کے ’’جمہوریت بہترین انتقام ہے‘‘کے الفاظ استبداد اور آمریت کا منہ توڑ جواب تھے انھیں عوامی طاقت پر گہرا اعتماد تھاشہید بے نظیر بھٹو ایسے پاکستان کی خواہاں تھی جہاں ہر بچے کو تعلیم تک رسائی حاصل ہو وہ ایسا پاکستان چاہتی تھیں جہاں انصاف ایک آسائش نہیں بلکہ حق ہو،اپنی تمام زندگی معاشرے کے پسے ہوئے طبقات کی خودمختاری کےلئے کام کرنے میں صرف کی شہید بے نظیر بھٹو ہمارے لیے تحریک اور ہمت کا باعث تھی جمہوریت کی بحالی و استحکام ، عوام کے سیاسی، معاشی اور سماجی حقوق کے لیے آمریتوں کے خلاف ڈٹ کر کہا کہ “ناانصافی اور ظلم کے خلاف جنگ میری زندگی کی جنگ ہے” وہ آج بھی لاکھوں لوگوں کے دلوں میں زندہ ہیں، ان کے پرامن، ترقی پسند اور جمہوری پاکستان کے وژن کو آگے بڑھانے کے عزم کا اعادہ کرتا ہوں،انھوں نے ایک متحد ، ہمہ گیر اور انصاف پر مبنی پاکستان کی تعمیر کےلئے کام کرنے کا درس دیا،
ہمیں بحیثیت قوم ملک کو موجودہ چیلنجز سے نکالنے کے لیے شہید بی بی کے وژن سے سبق حاصل کرنے کی ضرورت ہے،آئیے ، شہید بے نظیر بھٹو کے ایک پرامن، ترقی پسند اور جمہوری پاکستان کے خواب کی تکمیل کےلئے مل کر کام کریں ،
شہید بے نظیر بھٹو کی میراث ابدی ہے، اُن کا وژن مشعلِ راہ ہے۔ پاکستان کھپے ،
About The Author
