آذربائیجان کے صدر الہام علیوف دو روزہ سرکاری دورہ پر پاکستان پہنچ گئے ہیں۔ اس موقع پر وزیراعظم پاکستان محمد شہباز شریف نے صدر الہام کا استقبال کیا
مزید برآں ان کو ظہرانہ بھی دیا گیا۔ اس موقع پر وزیراعظم ہاؤس اسلام آباد میں خصوصی تقریب کا اہتمام کیا گیا، شہباز شریف نے وزیراعظم ہاؤس پہنچنے صدر الہام علیوف کا پرتپاک استقبال کیا گیا۔ تینوں مسلح افواج کے چاق و چوبند دستوں نے مہمان صدر کو گارڈ آف آنر پیش کیا۔
اس موقع پر دونوں ممالک کے قومی ترانے بجائے گئے۔وزیر اعظم شہباز شریف معزز مہمان کو اپنے ہمراہ سلامی کے چبوترے پر لے گئے جہاں پاکستان کی تینوں مسلح افواج کے چا ق و چوبند دستوں نے انہیں گارڈ آف آنر پیش کیا ۔
آذربائیجان کے صدر نے پریڈ کا معائنہ کیا۔ وزیراعظم نے وفاقی کابینہ کے اراکین سے مہمان صدر کا تعارف کرایا ۔ آذربائیجان کے صدر نے اس موقع پر وزیراعظم شہباز شریف سے اپنے وفد کے ارکان کا تعارف کرایا۔
