نگراں وفاقی وزیر برائے مذہبی امور اور بین المذاہب ہم آہنگی انیق احمد نے کہا ہے کہ عازمین حج کے ہوائی ٹکٹوں میں کمی کے لیے ایئر لائن کمپنیوں سے بات چیت جاری ہے۔
کراچی میں کراچی بزنس فورم کے زیر اہتمام ایک پروگرام سے خطاب کرتے ہوئے انہوں نے کہا کہ اس سال تقریباً 90 ہزار حجاج حج پر جائیں گے اور ان سب کو انٹرنیٹ پیکج کے ساتھ سمیں مفت فراہم کی جائیں گی۔
وزیر نے کہا کہ ایک ایپلی کیشن کے اجراء کے ساتھ ہی حج کو ڈیجیٹل کیا گیا ہے۔
انیق احمد نے کہا کہ حکومت خواتین حجاج کو عبایا فراہم کرے گی جس کے سر کے پچھلے حصے پر پاکستانی پرچم ہوگا۔
