کراچی : سندھ اور پنجاب حکومتوں نے دونوں صوبوں کے دریائی علاقوں میں ڈاکوؤں کے خلاف بیک وقت آپریشن شروع کرنے پر اتفاق کیا ہے تاکہ ان کے خارجی راستوں کو بند کیا جا سکے۔
یہ مفاہمت نگراں وزیراعلیٰ سندھ مقبول باقر اور نگراں وزیراعلیٰ پنجاب محسن نقوی کے درمیان کراچی میں ہونے والی ملاقات میں طے پائی۔
اجلاس کے دوران وزیر اعلیٰ سندھ نے بتایا کہ سندھ حکومت نے سکھر اور لاڑکانہ ڈویژن کے کچے کے علاقے میں آپریشن شروع کر دیا ہے۔
انہوں نے کہا کہ پاک فوج اور رینجرز کی شرکت سے اسے مزید تیز کیا جائے گا۔
وزیر اعلیٰ پنجاب نے کہا کہ اب وقت آگیا ہے کہ ڈاکوؤں کے خلاف بھرپور آپریشن کیا جائے تاکہ ان کا خاتمہ کیا جا سکے۔
