اسلام آباد – پاکستان میں تعینات ترکیہ کے سفیر نے رمضان المبارک کے بابرکت مہینے کے آغاز پر پاکستانی عوام کے لیے نیک تمناؤں کا اظہار کیا ہے۔
اپنے پیغام میں ترک سفیر نے کہا کہ وہ تمام پاکستانی بھائیوں اور بہنوں کو رمضان المبارک کی دل کی گہرائیوں سے مبارکباد پیش کرتے ہیں اور ان کی صحت، تندرستی اور خوشحالی کے لیے دعاگو ہیں۔
انہوں نے اپنے بیان میں پاکستان اور ترکیہ کے درمیان تاریخی اور برادرانہ تعلقات کا ذکر کرتے ہوئے کہا کہ دونوں ممالک کے درمیان بھائی چارہ مضبوط اور دیرینہ بنیادوں پر قائم ہے۔ انہوں نے کہا کہ “ترک پاکستان بھائی چارہ زندہ باد”۔
واضح رہے کہ پاکستان اور ترکیہ کے درمیان سفارتی، اقتصادی اور ثقافتی شعبوں میں قریبی تعاون موجود ہے، جبکہ دونوں ممالک عالمی اور علاقائی امور پر بھی ایک دوسرے کے مؤقف کی حمایت کرتے رہے ہیں۔ رمضان المبارک کے موقع پر اس نوعیت کے پیغامات دونوں ممالک کے عوامی روابط اور باہمی خیرسگالی کی عکاسی کرتے ہیں۔
About The Author
