واشنگٹن ڈی سی: چیف آف آرمی اسٹاف (فیلڈ مارشل) جنرل سید عاصم منیر، سابق امریکی صدر ڈونلڈ ٹرمپ کی خصوصی دعوت پر امریکہ پہنچ گئے، جہاں ان کا استقبال وائٹ ہاؤس میں کیا گیا۔ یہ دورہ ایک ایسے وقت میں ہو رہا ہے جب دونوں ممالک کے درمیان سیکیورٹی، دفاعی تعاون اور علاقائی استحکام کے امور پر مشاورت کو نئی جہت دینے کی ضرورت محسوس کی جا رہی ہے۔
ذرائع کے مطابق فیلڈ مارشل عاصم منیر پاکستان کے لیے خوشخبری اور اسٹریٹجک سطح پر اہم پیغامات لے کر وائٹ ہاؤس پہنچے ہیں۔ ان کی امریکی قیادت سے ملاقات کے دوران باہمی دفاعی تعلقات، انسداد دہشت گردی تعاون، افغانستان کی صورتحال، اور خطے میں امن و استحکام کے امکانات پر گفتگو متوقع ہے۔
پاکستانی آرمی چیف کی اس اعلیٰ سطحی ملاقات کو نہ صرف واشنگٹن میں بلکہ اسلام آباد میں بھی گہری دلچسپی سے دیکھا جا رہا ہے، کیونکہ یہ دورہ پاکستان کی سفارتی و عسکری پالیسی میں نئی پیش رفت کی علامت سمجھا جا رہا ہے۔
فوجی اور سیاسی مبصرین کے مطابق یہ دورہ دونوں ممالک کے درمیان اعتماد بحال کرنے اور مستقبل کی مشترکہ حکمت عملی وضع کرنے میں مددگار ثابت ہو سکتا ہے۔ امکان ہے کہ ملاقات کے بعد مشترکہ اعلامیہ جاری کیا جائے گا۔
About The Author
