نیویارک: پاکستان کے سفارتی مشن کے سربراہ بلاول بھٹو زرداری کی پارلیمانی وفد کے ہمراہ اقوام متحدہ کے سیکریٹری جنرل انتونیو گوتیرش سے بدھ کے روز ملاقات ہوئی۔
پیپلز پارٹی کے چیئرمین بلاول بھٹو زرداری نے اقوام متحدہ کے سیکریٹری جنرل کو وزیراعظم پاکستان کا خط پیش کیا۔اور انہوں نے 22 اپریل 2025 کے پہلگام حملے کے بعد کی صورتحال میں پاکستان کے مؤقف سے سیکریٹری جنرل کو آگاہ کیا۔
ترجمان پاکستان پیپلز پارٹی کے مطابق بلاول نے پاکستان پر بھارت کی جانب سے بغیر کسی قابلِ اعتبار تحقیقات کے لگائے گئے بے بنیاد اور قبل از وقت الزامات کو سختی سے مسترد کرکیا۔بلاول نے کہابھارت کے یکطرفہ فوجی اقدامات پورے خطے کے استحکام کو خطرے میں ڈال سکتے ہیں۔
انہوں نے کہا اقوام متحدہ کے چارٹر میں درج اصولوں، بشمول حقِ دفاع اور بین الاقوامی قانون کے احترام کے حوالے سے پاکستان پرعزم ہے۔جبکہ بھارت کا رویہ ایٹمی خطے میں ایک بڑے تنازعے کو جنم دے سکتا ہے۔بلاول بھٹو زرداری نے اقوام متحدہ کے سیکریٹری جنرل سے درخواست کہ کہ وہ سندھ طاس معاہدے کی بحالی کے لیے فعال کردار ادا کریں۔پاکستان پر آبی جنگ مسلط کی جا رہی ہے۔
سیکریٹری جنرل انتونیو گوتیرش نے وفد سے گفتگو کرتے ہویے کہا کہ اقوام متحدہ پاکستان کی امن پسندی کی خواہش کا خیرمقدم کرتا ہے۔ اقوام متحدہ جنوبی ایشیا میں امن و استحکام کے فروغ کے لیے مکمل طور پر سرگرم ہے۔
انہوں نے کہااقوام متحدہ کشیدگی میں کمی اور تنازعات کے پُرامن حل کے لیے تمام کوششوں کی مکمل حمایت جاری رکھے گا،
About The Author
