اسلام آباد: پیر کے روز اسلام آباد پریس کلب میں پریس کانفرنس سے خطاب کرتے ہوئے شہباز لغاری نے انڈونیشیا، ترکیہ اور یونان میں زلزلوں کی پیشگوئی کرتے ہوئے کہا کہ حکومت تعاون کرے تو زلزلے کی درست پیش گوئی کے لیےآلات بنا سکتے ہیں،میانمار اور تھائی لینڈ میں حالیہ آنے والے زلزے کی تین دن قبل درست پیشگ کوئی کی تھی۔
مقامی نجی کمپنی ارتھ کوئیک،کوئیک نیوز اینڈ ریسرچ سینٹر کے سی ای او محمد شہباز لغاری نے کہا کہ زلزلے کی درست پیش گوئی والے آلات بنا کرنہ صرف قیمتی جانوں کو بچایا جا سکتا ہے۔ بلکہ اس سے ملکی معیشت کو قیمتی زرمبادلہ کما کر دے سکتے ہیں۔ ای کیو کیو این دنیا کا پہلا ارتھ کوئک ریسرچ سینٹر ہے جو آنے والے موسم کی طرح آنے والے زلزلوں کا 128 گھنٹے پہلے بتانے کی ریسرچ مکمل کر چکا ہے جس کے لیے کسی بھی ملک کی زمین کا سائنسی اعدادو شمار کے ذریعے زمین کی کرسٹ لیئر کا مشاہدہ کر کے اس ملک میں آنے والے زلزلوں کی حتمی نتائج تک پہنچا جا سکتا ہے۔
انہوں نے کہا کہ ہم عرصہ دراز سے پاکستان کے پانچ ہزار کلو میٹر احاطے میں آنے والے زلزلوں کی قبل از وقت درست پیش گوئی کرتے آرہے ہیں۔شہباز لغای نے کہا کہ یونان میں ابھی تک 30 ہزار سے بھی زیادہ زلزلے آچکے ہیں وہاں کے سفارت خانے کو ہمارے ریسرچ سینٹر نے پہلے ہی آگاہ کر دیا تھا جس کا ریکارڈ ہمارے یوٹیوب چینل ای کیو کیو این پر ملاحظہ کیا جا سکتاہے، ہم نے بتایا تھا کہ وہاں پر زیادہ شدت کے زلزلے آئیں گے جس کا ریکارڈ تصدیق کر سکتے ہیں.
شہباز لغاری نے مزید کہا کہ اس وقت ہمیں اپنے ملک پاکستان کو زلزلہ پیما مرکز کے ساتھ مل کر حکومتی سطح پر کام کرنے کی ضرورت ہے ہماری خواہش ہے کہ ہماری پیش گوئی حکومتی سطح پر شائع کی جائے تاکہ حفاظتی تدابیر پر عمل کر کے ہر قیمتی زندگیوں کو بر وقت بجایا جا سکے۔انہوں نے کہا کہ دن بہ دن بڑھتے ہوئے زلزلوں سے قبل از وقت بچنے کے لیے قومی اور ملکی مفاد کے لیے بے حد ضروری ہے کہ حکومت ای کیو کیو این ریسرچ سینٹر کو آنے والے زلزلوں کے متعلق آلات بنانے کے لیے ریسرچ سینٹر کو سرکاری درجہ دے۔ محمد شہباز لغاری نےوزیر اعظم شہباز شریف وزیر اعلیٰ پنجاب مریم نواز چیف جسٹس آف پاکستان ،چیف آف آرمی سٹاف اور صدر مملکت آصف علی زرداری سے اپیل کی ہے کہ حکومت اس کام میں ہماری کرے، قومی و ملکی مفاد میں حکومتی سطح پر ہم ایسے آلات اور ریڈاربنا کر نہ صرف پاکستان کیلئے بڑے پیمانے پر زرمبادلہ کمائیں گے بلکہ پاکستان کا پوری دنیا میں ورلڈ ریکارڈ بنا کر نام بھی روشن کریں، حکومت نے ہمارے ساتھ تعاون کیا تو ہم پوری دنیا کو ایسے آلات فراہم کر کے آنے والے بڑے زلزلوں کی پیش گوئی کرکے کثیر تعداد میں زندگیاں بچا سکتے ہیں۔
واضح رہے کہ شہباز لغاری کی پریس کانفرنس کے دوران پیش گؤئی کے مطابق انڈونیشیا میں زلزلہ وقوع پزیر ہو چکا ہے۔منگل کے روز انڈونیشیا میں آنے والے زلزلے کی شہباز لغاری نے ایک روز قبل پیش گوئی کی تھی۔جبکہ ترکیہ اور یونان سے متعلق وہ اپنی پیش گوئی پر قائم ہیں۔
