تشدد کا شکار مریم بی بی کی ہلاکت کا معاملہ ایس ایچ او صدر ریاض احمد متاثرہ فیملی کے گھر پہنچ گئی

تشدد کا شکار مریم بی بی کی ہلاکت کا معاملہ ایس ایچ او صدر ریاض احمد متاثرہ فیملی کے گھر پہنچ گئےایس ایچ او نے متاثرہ فیملی سے وقوعہ کے بارے میں پوچھا،ترجمان پولیس
ایس ایچ او صدر کی مریم بی بی کی ہلاکت پر اہل خانہ سے تعزیت
متاثرہ خاندان سے ہر قسم کے تعاون کی یقین دہانی چنی گوٹھ ریلوے اسٹیشن کے قریب سے ملت ایکسپریس میں ریلوے پولیس اہلکار کے تشدد کا نشانہ بننے والی خاتون کی لاش ملی ہے۔
پولیس کے مطابق 7 اپریل کی رات ریلوے پولیس اہلکار تشدد کے بعد خاتون کو اپنے ساتھ لے گیا تھا، خاتون کا تعلق جڑانوالہ سے تھا۔خاتون کے بھائی افضل کا کہنا تھا کہ اس کی بہن کراچی میں بیوٹی پارلر پر ملازمت کرتی تھی اور عید منانے کیلئے کراچی سے جڑانوالہ آ رہی تھی۔انہوں نے حکام سے مطالبہ کیا کہ بہن پر تشدد کے بعد اس کی ہلاکت کی بھی تحقیقات کی جائے۔
واضح رہے کہ چند روز قبل چلتی ٹرین میں خاتون اور بچے پر پولیس اہلکار کے تشدد کی ویڈیو سامنے آئی تھی جس کے بعد تشدد کرنے والے اہلکار کو گرفتار کر لیا گیا بعد ازاں خاتون پر تشدد کرنے والا ریلوے پولیس اہلکار ضمانت پر آزاد ہو گیا تھا۔سامنے آنے والی ویڈیو میں خاتون کو یہ کہتے سنا جا سکتا ہے کہ ’مار کیوں رہا ہے، مار نہیں، مار نہیں‘۔