پاکستان تحریک انصاف (پی ٹی آئی) کے چیئرمین عمران خان اور وائس چیئرمین شاہ محمود قریشی کی آفیشل سیکرٹ ایکٹ کے تحت قائم خصوصی عدالت نے ان کے جوڈیشل ریمانڈ میں 10 اکتوبر تک توسیع کر دی ہے۔
کیس کی سماعت جج ابوالحسنات ذوالقرنین نے اٹک جیل میں کی۔
پی ٹی آئی کے وکلا بیرسٹر سلمان صفدر، لطیف کھوسہ، عمر نیازی اور نعیم پنجوٹھا عدالت میں پیش ہوئے جہاں وفاقی تحقیقاتی ادارے (ایف آئی اے) کی ٹیم بھی موجود تھی۔
دوسری جانب ایف آئی اے کی ٹیم نے قریشی کو ہتھکڑیاں لگا کر فیڈرل جوڈیشل کمپلیکس لایا جہاں عدالتی عملے نے ان کی حاضری لگائی۔
بعد ازاں عدالت نے ان کے جوڈیشل ریمانڈ میں 10 اکتوبر تک توسیع کردی۔
