کراچی میں شادی کی تقریب میں فائرنگ کرکے دلہن کی بہن کو قتل کردیا گیا۔
تفصیلات کے مطابق پولیس حکام کا کہنا ہے کہ واقعہ کراچی کے علاقے قائد آباد میں پیش آیا جہاں شادی کی تقریب میں ایک شخص نے فائرنگ کردی جس کے نتیجے میں دلہن کی بہن جاں بحق اور دو افراد زخمی ہوگئے۔
پولیس ترجمان کا کہنا ہے کہ فائرنگ ذاتی تنازع پر ہوئی اور ملزم موقع سے فرار ہونے میں کامیاب ہوگیا۔
مزید برآں، زخمیوں اور لاشوں کو ہسپتال منتقل کر دیا گیا ہے اور لاش کو ضابطے کی کارروائی کے بعد لواحقین کے حوالے کر دیا جائے گا۔
