سیکرٹری آف اسٹیٹ اینٹونی جے بلنکن نے اپنے حالیہ پیغام میں کہا ہے کہ امریکی عوام کی جانب سے، میں پاکستان کے عوام کو 14 اگست کو پاکستان کے یومِ آزادی کے موقع پر دل کی گہرائیوں سے مبارکباد پیش کرتا ہوں۔
گزشتہ 77 سالوں سے، ہمارے عوام کے درمیان تعلقات ہمارے دوطرفہ رشتے کی بنیاد رہے ہیں۔ آنے والے سال میں، ہم امریکہ-پاکستان شراکت داری کو مزید گہرا کریں گے اور عوامی سطح پر تعلقات کو وسعت دیں گے تاکہ دونوں ممالک کے لیے ایک خوشحال مستقبل کی تعمیر کی جا سکے۔
ہم ایک ایسی شراکت داری کو جاری رکھنے کے منتظر ہیں جو دونوں ممالک کو مزید محفوظ بنائے گی، جبکہ ہم جمہوری اصولوں اور قانون کی حکمرانی کے احترام کے لیے اپنے مشترکہ عزم کو مضبوط کریں گے۔
میں آج کے دن جشن منانے والوں کو پاکستان، امریکہ، اور دنیا بھر میں رہنے والے پاکستانیوں کو یومِ آزادی کی خوشیوں بھری مبارکباد پیش کرتا ہوں۔
