ایف آئی اے کے کمپوزٹ سرکل سرگودھا نے کاروائی کرتے ہوئے 2 میٹر ریڈرز سمیت 3 ملزمان گرفتار کر لیے۔ترجمان ایف آئی اے کی طرف سے جاری اعلامیہ کے مطابق بجلی چوری کے خلاف جاری کاروائیوں میں 2 میٹر ریڈرز سمیت 3 ملزمان کو گرفتار کیا گیا ہے۔
ملزمان کی شناخت محمد بلال، زاہدگل اور عابد نواز خان کے نام سے ہوئی۔ملزمان کو کالا باغ کے مختلف علاقوں سے گرفتار کیا گیا۔
محمد بلال اور عابد نواز خان فیسکو آفس کالا باغ میں بطور میٹر ریڈرز تعینات ہیں۔میٹر ریڈرز نے دیگر ملزمان سے ملی بھگت سے لاکھوں روپے کی بجلی چوری کی۔
ملزمان گھریلو کنکشن پر کاروباری سرگرمیوں کی آڑ میں قومی خزانے کو نقصان پہنچا رہے تھے۔ملزمان کو گرفتار کر کے تفتیش کا آغاز کر دیا گیا ہے۔
