اسلام آباد: ایران نے 12ویں یو۔سے۔ای ایمبیسیڈر کپ 2024 میں فتح حاصل کرتے ہوئے یوفون کی ٹیم کو کو 7-2 سے شکست دی۔ اسلام آباد میں متحدہ عرب امارات کے سفارت خانے کے احاطے میں منعقد ہونے والے سنسنی خیز فائنل نے معززین اور پرجوش تماشائیوں کو مسحور کر دیا۔
اس فائنل میچ میں متحدہ عرب امارات کے سفیر حماد عبید ابراہیم سالم الزابی کے ساتھ ساتھ ایران، اردن، کویت، یمن اور مراکش کے سفیروں نے خصوصی طور پر شرکت کی،جبکہ یہ ایونٹ کھیلوں اور دوستی کا مظہر تھا۔
13 مارچ سے 24 مارچ تک جاری رہنے والے اس پورے ٹورنامنٹ میں سامعین، کھیلوں سے محبت کرنے والوں، سفارت کاروں اور میڈیا کے نمائندگان ایکشن سے بھرپور میچوں کا مشاہدہ کرنے کے لیے جمع ہوئے۔ رومانیہ، اردن، وزارت خارجہ، قطر، افغانستان، اردن، یو اے ای، رومانیہ، جیریز، انڈونیشیا اور یوفون سمیت مختلف ممالک کی ٹیموں نے میدان میں اپنی صلاحیتوں اور عزم کا مظاہرہ کیا۔
اس فائنل میچ میں دونوں ٹیموں نے میدان میں شاندار عزم اور مہارت کا مظاہرہ کیا۔ تاہم، ایران کی ٹیم نے بہترین کھیل کا مظاہرہ کرتے ہوئے ٹورنامنٹ میں شاندار کامیابی حاصل کی ۔
12 ویں UAE ایمبیسیڈر کپ 2024 نے خطے کے بہترین فٹ بال ٹیلنٹ کو چمکانے کے لیے ایک اسٹیج کے طور پر کام کیا، جس نے کھیلوں کی کمیونٹی کے اندر جوش اور عزم کو اجاگر کیا۔ جبکہ ٔتیسری پوزیشن کے پلے آف میں، قطر نے متحدہ عرب امارات کو 3-1 سے شکست دے کر ٹورنامنٹ کے جوش و خروش کو مزید بڑھا دیا۔
ڈاکٹر اکبر ناصر خان، انسپکٹر جنرل اسلام آباد نے مہمان خصوصی کی حیثیت سے تقریب کا وقار بڑھایا اور اپنی موجودگی سے تقریب کی اہمیت کو بڑھا دیا۔ انہوں نے فاتح اور رنر اپ دونوں ٹیموں کے کھلاڑیوں کی مثالی کارکردگی کو سراہتے ہوئے اس امید کا اظہار کیا کہ اس طرح کی تقریبات تعمیری اور صحت مند سرگرمیوں میں نوجوانوں کی شمولیت کو متاثر کرنے کے لیے اہم کردار ادا کریں گی۔
اختتامی تقریب میں متحدہ عرب امارات کے سفیر نے مہمان خصوصی کے ساتھ سفارتخانے کے منتظمین اور سیکیورٹی عملے کو سرٹیفکیٹس، سووینئرز اور نقد انعامات سے نوازا۔ مزید برآں، متحدہ عرب امارات کے سفارت خانے نے سامعین کے لیے قرعہ اندازی کا بھی انعقاد کیا، اور خوش قسمتی سے جیتنے والوں کو موبائل فونز اور دیگر تحائف دیے گئے۔
چیمپیئن شپ کا اختتام پر شاندار آتش بازی کا مظاہرہ کیا گیا ، جس کے بعد گھوڑوں کی دلکش رقص نے تماشائیوں پر سحر طاری کر دیا ۔ مزید برآں، شائقین کی دلچسپی کو مدنظر رکھتے ہوئے سفارتخانہ کے احاطے میں دستکاری ، ثقافتی اشیاء اور کھانے کےمختلف سٹالز بھی لگائے گئے۔
