ایف آئی اے امیگریشن نے پشاور ائرپورٹ پر کاروائیبیرون ملک سے آنے والے 4 مسافروں کو گرفتار کر لیا۔
ترجمان ایف آئی اے کے مطابق ملزمان بین الاقوامی پرواز سے سعودی عرب سے پاکستان پہنچے تھے۔گرفتار ملزمان میں محمد اقبال، محمد بلال اور 2 خواتین شامل ہیں۔
ملزمان چند ماہ قبل عمرے کے ویزہ پر سعودی عرب گئے تھے۔ملزمان سعودی عرب میں بھیک مانگنے میں ملوث تھےجن کا تعلق خانیوال اور ملتان سے ہے۔
دوران تفتیش ملزمان نے اعتراف کیا کہ وہ سعودی عرب بھیک مانگتے رہے۔ملزمان کو مزید جانچ پڑتال اور قانونی کارروائی کے لیے ایف آئی اے اینٹی ہیومن ٹریفکنگ سرکل پشاور منتقل کر دیا گیا۔
