اسلام آباد (انٹرنیشنل نیوز) اسلامی جمہوریہ پاکستان نے یمن کے صدر ڈاکٹر رشاد محمد العلیمی کی جانب سے یمن کے جنوبی سیاسی و سماجی دھڑوں کے لیے ریاض میں ایک جامع کانفرنس بلانے کی دعوت کا خیرمقدم کیا ہے۔
دفترِ خارجہ کی جانب سے جاری بیان میں پاکستان نے تمام یمنی فریقین پر زور دیا ہے کہ وہ نیک نیتی کے ساتھ اس عمل میں شریک ہوں تاکہ باہمی طور پر طے شدہ اصولوں اور حوالہ جاتی فریم ورک کی بنیاد پر ایک پائیدار اور مذاکرات کے ذریعے حل تلاش کیا جا سکے۔
بیان میں کہا گیا ہے کہ پاکستان یمن میں جاری بحران کے حل کے لیے مکالمے، مفاہمت اور سیاسی عمل کو واحد مؤثر راستہ سمجھتا ہے اور تمام فریقین کو تشدد کے بجائے بات چیت کو ترجیح دینی چاہیے۔
پاکستان نے اس موقع پر یمن کی وحدت، خودمختاری اور علاقائی سالمیت کے لیے اپنی مستقل حمایت کا اعادہ کرتے ہوئے امید ظاہر کی کہ علاقائی سطح پر کی جانے والی کوششیں یمن میں دیرپا امن اور استحکام کے قیام میں مددگار ثابت ہوں گی۔
About The Author
