اسلام آباد ایف آئی اے اینٹی کرپشن سرکل اسلام آباد کی کاروائی بدعنوانی اور کرپشن میں ملوث ایف آئی اے کے 2 اہلکار گرفتار کر کے جوائنٹ انوسٹیگیشن ٹیم تشکیل دے دی گئی۔
ترجمان ایف آئی اے کے مطابق گرفتار ملزمان میں ایف آئی اے کے سب انسپیکٹر وسیم احمد اور کانسٹیبل عاقب محمود شامل ہیں۔گرفتار اہلکار اینٹی ہیومن ٹریفکنگ سرکل اسلام آباد میں تعینات تھے۔گرفتار اہلکاروں نے افغان شہریوں کو جاری کردہ ای ویزا مقدمے میں گرفتار ملزم زبیر سے دوران جسمانی ریمانڈ رشوت کا تقاضا کیا تھا۔
گرفتار اہلکاروں نے ملزم کو جسمانی ریمانڈ کے دوران سہولتکاری فراہم کرنے کے عوض 20 لاکھ روپے رشوت طلب کی تھی۔مذکورہ رقم کے عوض اہلکاروں نے ملزم کو جوڈیشل ریمانڈ پر بھجوانے کی یقین دہانی کروائی۔اہکاروں کو گرفتار کر کے تفتیش کا اغاز کر دیا گیا۔ابتک افغان شہریوں کو غیر قانونی ای ویزا جاری کرنے میں ملوث گینگ کے 6 ملزمان گرفتار ہو چکے ہیں۔ان میں عبدالعزیز، احمد سخی، عاطف احمد، نادر رحیم عباسی، ابرار احمد اور زبیر احمد شامل۔
گرفتار ایف آئی اے اہلکاروں سے تفتیش کے لئے اینٹی کرپشن سرکل اسلام آباد کی 4 رکنی جے آئی ٹی تشکیل دے دی گئی۔جے آئی ٹی کی سربراہی اسسٹنٹ ڈائریکٹر نعمان خلیل کر رہے ہیں۔جے آئی ٹی میں سب انسپیکٹر شمس خان، سب انسپیکٹر شہریار اور کانسٹیبل مہدی شامل ہیں۔
جے آئی ٹی غیر جانبدارانہ تحقیقات کر کے رپورٹ پیش کرے گی
ڈی جی ایف آئی اے کے مطابق محکمانہ احتساب کا مقصد ادارے کو کرپشن اور دیگر بے ضابطگیوں میں ملوث کالی بھیڑوں سے پاک کرنا ہے۔غیر قانونی سرگرمیوں میں ملوث ایف آئی اے اہلکاروں کے خلاف سخت اقدامات عمل میں لائے جا رہے ہیں۔ادارے میں احتسابی عمل سے ہی انسانی سمگلنگ اور کرپشن کا خاتمہ ممکن ہوگا۔کرپشن اور بد عنوانی میں ملوث افسران کو قرار واقعی سزا دی جائے گی۔
About The Author
