ایرانی مسلح افواج کے چیف آف جنرل اسٹاف کی جی ایچ کیو آمد، آرمی چیف جنرل عاصم منیر سے ملاقات

راولپنڈی: ایرانی مسلح افواج کے چیف آف جنرل اسٹاف، میجر جنرل محمد باقری نے آج جنرل ہیڈکوارٹرز (جی ایچ کیو) کا دورہ کیا اور چیف آف آرمی اسٹاف جنرل سید عاصم منیر سے ملاقات کی۔

آئی ایس پی آر کے مطابق، ملاقات کے دوران دونوں رہنماؤں نے خطے کی موجودہ سیکیورٹی صورتحال اور دوطرفہ دفاعی تعاون پر تبادلہ خیال کیا۔

جی ایچ کیو آمد پر میجر جنرل محمد باقری نے یادگارِ شہداء پر پھولوں کی چادر چڑھائی اور پاکستان کے شہداء کو خراجِ عقیدت پیش کیا۔

انہیں جی ایچ کیو میں پاک فوج کے ایک چاق و چوبند دستے نے گارڈ آف آنر پیش کیا اور گرمجوشی سے خوش آمدید کہا۔

اپنا تبصرہ لکھیں