فرانس کے قومی دن پر سفارت خانے میں خصوصی تقریب، صدر آئی پی پی اور وفاقی وزیر عبدالعلیم خان مہمان خصوصی تھے
فرانس کے سفیر نکولس گیلے نے مہمانوں کااستقبال کیا اور فرانس کےقومی دن کی تاریخ سے شرکاء کو آگاہ کیا۔
اس موقع پر کثیر تعداد میں وفاقی وزراء، سینٹرز، اراکین اسمبلی، سفارت کاروں اور نمایاں سیاسی، کاروباری و سماجی شخصیات نے شرکت کی۔
مہمان خصوصی عبدالعلیم خان کاپاکستان اور فرانس کے مابین دوطرفہ دوستانہ تعلقات کے بارے میں اظہار خیال کرتے ہوئے کہا کہ اسی ماہ فرانس میں اولمپکس گیمز کا انعقاد اور پاکستان سے اتھلیٹ و دیگر کی شرکت خوش آئند ہے۔پاکستان اور فرانس ٹریڈ، اکنامک، تعلیم اور ثقافتی شعبوں میں باہمی تعاون کو مسلسل فروغ دے رہے ہیں۔
وفاقی وزیر عبدالعلیم خان کا کہنا تھا کہ گزشتہ برس دونوں ممالک کا دوطرفہ تعاون کے روڈ میپ پر اتفاق قابل ستائش ہے۔فرانس پاکستان میں معدنیات، توانائی، زراعت، انفارمیشن ٹیکنالوجی اور دفاعی پیداوار میں سرمایہ کاری کر سکتا ہے۔
وفاقی وزیر کا مزید کہنا تھا کہ فرانس میں ایک لاکھ 25 ہزار پاکستانی مقیم جبکہ ہزاروں سٹوڈنٹس تعلیم حاصل کر رہے ہیں۔
پاکستان فرانس سمیت یورپی ممالک سے تعلقات کو اہمیت اور قدر کی نگاہ سے دیکھتا ہے. تاریخی اعتبار سے شاندار روایات کے حامل فرانس کے عوام ترقی کے لئے بھی مستقل مزاج ہیں۔
فرانس کے قومی دن پروفاقی وزیر نجکاری و سرمایہ کاری بورڈ اور مواصلات عبدالعلیم خان نے شرکاء کو مبارکباد کا پیغام دیا۔
فرانسیسی سفارتخانہ میں منعقدہ خصوصی تقریب میں وزیر خزانہ محمد اورنگزیب، سینٹرز شیری رحمان، سلیم مانڈوی والا، ایم این اے ڈاکٹر فاروق ستار بھی فرانس کے سفارت خانے میں موجود تھے۔
